كود كازا//

وصات السفارة الفرنسية فالمغرب الفرنسيين اللي عايشين فيه باش يديرو لقاح “أسترازينيكا” اللي معتمدو المغرب فالحملة ديالو للتلقيح ضد فيروس كورونا المستجد.

فتدوينة ليها فصفحتها الرسمية، قالت السفارة دفرنسا أن السلطات المغربية علنو على بداية حملة التلقيح المجانية التطوعية، وأن الفرنسيين المقيمين فالمغرب يقدرو يستفو منها حتى هوما.

https://www.facebook.com/313570192171273/posts/1485733824954898/

وقالت السفارة أن أي فرنسي مقيم فالمغرب كينتمي للكاطيكَوري ديال أصحاب الأولوية فالتلقيح، اي يكون فايت 75 عام أو خدام فقطاع الصحة وفعمرو كثر من 45 عام، او فقطاع التعليم وفعمرو كثر من 45 عام، يمكن ليه يستفد من التلقيح

وقالت السفارة أنه كيمكن للفرنسيين المقيمين فالمغرب التسجيل فالبوابة https://www.liqahcorona.ma/fr ، أو يديرو SMS للرقم المجاني 1717، فيه رقم CNIM أو رقم بطاقة للإقامة.