كود العرايش//
علمت “كود”، أن الشرطة القضائية بالمنطقة الإقليمية للأمن بالعرائش فتحات تحقيق البارح الاربعاء حول عصابة كتكون من 6 ديال الاشخاص صطحو مجموعة من المواطنين في مبالغ مالية بسباب عمليات نصب متقونة السيمانة الفايتة.
هاذ النصابة خدامين بطونوبيل كتشبه طونوبيلات السرفيس ديال اتصالات المغرب وكيقولو للناس غادي ندخلو ليكم انترنيت، وكاينة برومسيون ديال الويفي بـ 300 درهم.
كياخذو الفلوس وكيعطيو للضحايا استمارة مخدومة مزيان، وكيقولو ليهم غادي نرجعو من بعد نهار باش ندخلو ليكم الويفي وكيضربوها بغبرة.. وعدد الضحايا تزايد ودابا كلشي كيقلب عليهم.