عفراء علوي محمدي- كود//
تداولو نشطاء على مواقع التواصل الاجتماعي، اليوم السبت بالليل، بلاغ قديم لوزارة الصحة ووزارة الداخلية، كيهضر على منع التنقل من وإلى مجموعة من المدن، وهي طنجة، وتطوان، وفاس، ومكناس، والدار البيضاء، وبرشيد، وسطات ومراكش.
وهكذا، الناس بداو يسولي، على المنصات، واش مسموح التنقل بين هذ المدن، وواش الناس اللي سافرو منها أو ليها صادفو باراجات فالطريق، او خلصو 300.
لكن تبين من بعد ان البلاغ مجرد “فايك نيوز”، بحيث كيعود للعام اللي فات، وتحديدا ل”ليلة الهروب الكبير”، عشية عيد الكبير يوم الأحد 26 يوليوز 2020، وان الوزارتين ماصدرو حتى شي بلاغ بهذ الشأن.
وخرج رئيس الحكومة العثماني حتى هو يكذب البلاغ، وقال التدوينة ليه: “تم مساء اليوم ترويج بلاغ منسوب لوزارة الداخلية والصحة بخصوص منع التنقل انطلاقا من أو في اتجاه ثمان مدن، على أساس إنه جديد، في حين أنه بلاغ قديم يعود للسنة الماضية ولا علاقة له بهذه السنة”.
وزاد أن البلاغات الصحيحة هي اللي كتصدر من القنوات الرسمية، وغيرها زائفة ولا أساس ليها من الصحة.
وبزاف ديال ليبدأ تقول لو وعاود ننشرو البلاغ قبل ما يعيطو بيه مجرد فايك نيوز، بحال لاباس ديال مجلس مدينة الدار البيضاء
وآخر الإجراءات الاحترازية اللي فارضة الوزارتين متعلقة بحظر التنقل الليلي بعد ال11 ديال الليل، وتقييد التنقل بين الاقاليم بضرورة الإدلاء بشهادة التنقل الاستثنائي أو بجواز التلقيح، بالإضافة لمنع الأعراس، واعتماد 50 فالمية فالطاقة الاستعابية لوسائل النقل والريسطورات والقهاوي، وإغلاق هذ الاخيرة بالإضافة لباقي المحلات التجارية مع ال11.