عمـر المزيـن – كود//

“فايك نيوز” على وفاة عنصر من البومبية بسبب “كورونا” فيروس اصدم بزايد جهاز الوقاية المدنية. هاد الخبر يتم الترويج له بشكل كبير بزاف على مواقع التواصل الاجتماعي، اللي كيقول أن هاد البومبي مات بعد إصابته بهاد الفيروس.

هاد الإشاعة اللّي مزال كيتم الترويج لها بشكل كبير كتقول أن السيد كان حمل هاد الفيروس أثناء تأدية واجبه المهني مني كان هاز شي مصابين بكورونا عبر سيارة ديال الإسعاف. لكن هادشي كولو كذوب ومعندو حتى شي أساس من الصّحة.

في مقابل ذلك، أوضح مصدر مطلع، لـ”كود”، أن هاد العنصر ديال البومبية وهو برتبة مساعد مات بسبب إصابته بسكتة قلبية مفاجئة، مشيرا إلى أن الهالك كان كيخدم بمدينة القصيبة.