نجوى المالحي –كود //
بحالهم بحال كاع المغاربة لي استنكروا العمل الإجرامي الشنيع لي مشا ضحيتو الطفل عدنان في طنجة، بزاف ديال المشاهير المغاربة عبرو على غضبهم من هاد الفاجعة.
فنانين نشرو صور عدنان على حساباتهم في مواقع التواصل الاجتماعي، خصوصا أنستكَرام، وكتبو تعليقات.
من بين المشاهير لي انعاو الطفل عدنان كاين رشيد الوالي، ومونا فتو، وبدر سلطان، وحنان ابراهيمي، ومسلم…
وكتبت أسماء لمنور: “اللسان ثقال وما بقا يتقال. حسبي الله ونعم الوكيل والله يكون مع واليديه وميمتو لي تشوات فكبدتها أشد العقوبات للمجرم وكذلك لكل من تستر على جرائم الاستدراج، الاختطاف، الاحتجاز، الاغتصاب ثم القتل لولدنا عدنان . إنا لله وانا إليه راجعون”.
وكتب المغنية نجاة الرجوي “الله ياوليدي مكنعرفكش وتشويت عليك وبكيت عليك ودموعي مابغات تنشف….كيف حال ميمتك وعائلتك الله يصبركم يارب …حسبي الله ونعم الوكيل”.
