كود- عن فوربس//

خدا الفرنسي برنار أرنو، رئيس مجموعة Moët Hennessy Louis Vuitton، لقب أغنى شخص فالعالم للمرة الثالثة هذ السيمانة، بثورة كتقدر ب191 مليار دولار، متفوقا على مؤسس شركة أمازون، جيف بيزوس، اللي عندو صافي ثروة ديال 188.3 مليار دولار.

وزادت ثروة أرنو ب2.3 مليار دولار بين ليلة وصباح، من بعد ما سدات أسهم LVMH على ارتفاع بنحو 1 فالمية ولبارح الخميس فأوروبا. بينما تراجعات أسهم شركة أمازون بنحو 0.84 فالمية، الشي اللي أدى لانخفاض بنحو 896 مليون دولار فثروة جيف بيزوس.

وعرفات ثروة هذ الجوج ارتفاع بنحو 7 مليار دولار من البدية ديال هذ السيمانة.

والرجلان فالآونة الأخيرة تشغلو ببيع وشراء الأسهم، بحيث شرى أرنو 657 مليون دولار من الأسهم بين يناير وماي، وارتفعو الأسهم ب26 فالمية من بداية هذ العام من بعد مبيعات المجموعة الكبيرة فالشينوا وميريكان، بينما بيزوس باع الأسهم منذ فبراير بقيمة 6.6 مليار دولار على مدى 3 سيمانات.

https://www.forbesmiddleeast.com/ar/billionaires/world-billionaires/bernard-arnault-becomes-the-richest-person-in-the-world-for-the-third-time-this-week-1