نجوى المالحي-كود//
فاتي جمالي لي عندها لقب مليحة العرب وكدير جلسات التصوير وعرض الأزياء مكفاهاش تدخل لعالم التمثيل وهي ماقارية ماعالمة عليه، قررات بين ليلة ونهار تولي مغنية.
جمالي غادي دير أغنية بعنوان “غلطة كبيرة” مصورة بالفيديو كليب والتعامل كان مع رافا لوش مدير التصوير الخاص بشاكيرا.
فاتي لي عندها سبع صنايع والرزق ماضايعش، قالت في حوار إعلامي أنها خسرات فلوس صحيحة على هاد الأغنية وغادي تخرج قريبا.
وبعض المعلقين قالو أن فاتي كتنافس ليلى الحديوي على لقب “بومادا الصفرا”، حيت بجوج دافعات الصنطيحة في مجالات بعيدة عليهم وخدامات بالمعرفة وباك صاحبي.
