محمود الرگيبي كود العيون //

فأولى الأنشطة ديالو مع الوفود الأجنبية، استقبل اليوم والي جهة العيون عبد السلام بكرات، بقاعة الاجتماعات بمقر الولاية، وفد من رجال الأعمال من جهة اللوار بفرنسا، لي جاو بدعوة من طرف غرفة التجارة والصناعة الفرنسية بالمغرب

الوفد الفرنسي تقدماتلو مجموعة من الشروحات، الفرص الإستثمارية لي متوفرة فالمنطقة، والمؤهلات اللي كاينة فجميع المجالات والقطاعات الحيوية منها الصيد البحري والمعادن والطاقة.

الوفد الفرنسي عاين، كذلك عبر شريط فيديو على أبرز المشاريع لي تنجزات فجهة العيون ولي فطور الإنجاز، ولي كتمس القطاعات الاجتماعية، وتستهدف بالخصوص الساكنة خصوصا المتعلقة بقطاعات كبرى كالسياحة والموانئ والطاقات المتجددة.

وفي ختام هذه الزيارة، دار الوفد الفرنسي جولة ميدانية لميناء المرسى غرب مدينة العيون، وسوق السمك الى جانب وحدتين لصناعة السمك، وزيت ودقيق السردين، وأكدو بلي هاد المشاريع البحرية كتكون عندها عائدات كبيرة، وعبروا على استعدادهم فتوقيع الشركات اللي تكون عندها فائدة على الطرفين.