ف بيان مشترك نشرو البيت الأبيض.. المريكان و17 دولة اخرى كيطالبو بالإفراج الفوري على كاع الرهائن للي ف غزة
هناء أبو علي -كود//
المغني اللي وراه قضايا فالاغتصاب سعد لمجرد رجع للأضواء والصحافة العربية كتدوي عليه بعدما خرجات المغنية اليسا بخبر كتقول فيه أنها كتوجد معاه أغنية جديدة.
لمجرد لي باقي النجم ديالو كيسطع غير في الخليج بوحدو عاطيها لتعناق والتباويس مع الفنانة اللبنانية لي ملي كتشوفو كتشدها السخفة.
في الوقت لي بزاف الفنانين ختارو يبعدو منو حيت قضيتو خانزة ومعطعطة مازال كين واحد الفئة لي كيحنو ويتعاطفو مع المغتصب، في الوقت لي ضحاياه مازال كيحاولو يتعالجو ويعيشو بحالا مكين والو.
لمجرد تشد المرة الاولى في 2016 وخرج من الحبس وتعاود تشد في 2018 ودابة هو حر طليق.
وقررات محكمة الاستئناف مارس 2021 ترسل قضيتو للجنايات، محاميه كلهم كانو كيطلبو ويتمناو تبقى القضية جنحة وما تمشيش جنايات.
وحسب المحكمة فهاد القرار جا بسباب تضارب تصريحات سعد لمجرد في الوقت لي كانت تصريحات لورا منسجمة ومفيدهاش الدخول والخروج في الهضرة.
لمجرد كان قال فاللول باللي تباوس مع البنت وعاونا تحيد حوايجها، من بعد قال فتصريح اخر للقاضي باللي دفعاتو وقمشاتو فعنقو وضربها لوجها، ودار تصريحات اخرى متناقضة. أما الضحية فكانت تصريحاتها اللي قالتها فاللول هي نفس التصريحات، ما غيرات والو.