تدوينة الاستاذ الباحث عبد اللطيف اگنوش ///
اللغة العربية هي أساس الشرعية السياسية ديال المخزن، وعليه غير تهننى آ الميلودي، ماعممر المخزن ماغادي يسمح بإدراج اللغة الداريجة في التعليم!
للي كايعتاقد أن نور الدين عيوش ومن والاه يقدر يدخخل الداريجة للتعليم راه يا إما حمار ومافاهمش، وإما كايطنز على عباد الله وكايضحك عليهوم!
نور الدين عيوش راه غير بوععو كايستعملو المخزن باش يخلع بيه الإسلاميين والقومجيين والقواويد ديال عرييبان…عرفتو علاش؟
حينت المخزن ما يمكنش يسمح بإدخال الداريجة للتعليم لأنه إيلى دارها غادي يقطع العرش ديال الشجرة للي مقللز فوقو…بالعربية وتاعرابيت وبالدارجة، غادي يقتل الشرعية الدينية للي مخللياه باقي واقف!
حينت اللغة العربية هي أساس الشرعية السياسية ديال المخزن، إيلى حزقات كيفاش غادي تقول لشعيبة راه “أمير المؤمنين وحامي حمى الملة والدين إلى يوم الدين” ويتيق بيك؟!