عفراء علوي محمدي- كود//

نفى خالد بن رحال، مندوب الصحة فإقليم بني ملال خنيفرة، ما قاله حقوقي بالمنطقة عن احتجاج مواطنين بسبب غياب أطباء مكلفين بالتشريح، ووضح كيقول أن الأطباء كاينين، وكايديرو جهدهم باش يقومو بتشريح الجثث، واخا ماكاينش طبيب متخصص، باش يقومو بواجبهم، ويخففو على الساكنة عناء التنقل لكازا ولا الرباط.

وكشف بن رحال، فتصريحو ل”كود”، بللي ماكاينش ارتفاع فالوفيات فصفوف الرضع والأطفال حديثي الولادة كبف قال الحقوقي المنتمي للمنطقة، “وبال هذ الهضرة اللي كتروج بدون دليل ماكتحفزش الناس باش يخدمو”، على حساب هضرتو.

وقال أنه كمندوب مافراسوش، وماعمرو توصل بشكاية حول هذشي اللي كيروج.