وكالات //
الكوايري المصري مصطفى محمد، مهاجم فريق كَلاطا سراي التركي، جاتو فكرة عبيطة أنه يصيفط صاحبو ينتاحل الصفة ديالو ويدوز الامتحان فبلاصتو حيت هو كاين فالكاميرون مع الفريق المصري المشارك فكاس إفريقيا للأمم.
السيد اللي معروف بالوجه والسمية بلا عكَز عليه كلف صاحبو، لكن المراقبين ديال الامتحان فأحد المعاهد التعليمية البريفي بمدينة الجيزة المصرية، حصلو الشخص اللي منتاحل صفة اللعاب وعيطو ليه على البوليس.
الطالب “م . ر” اللي هو خريج كليه الآداب، اعتارف أن مهاجم منتخب مصر هو اللي وصاه، وقال بللي هو صاحبو وجا بلاصتو غير باش يعاونو يودوز بلاصتو. قمة الغباء.
وتدار محضر بالواقعة وبدات النيابة العامة لونكيط.
