عفراء علوي محمدي- كود//
العدد الأول ديال “نشرة المساواة” بين الجنسين غادي تقدمو وزارة التضامن والتنمية الاجتماعية والمساواة والأسرة هذ السيمانة، وغادي يكونو فيه معطيات بالأرقام والإحصاءات على واش كاينة مساواة بين الجنسين فالمغرب ولا لا.
النشرة، اللي غتقدمها الوزارة الجمعة الجاية، غتدير مقارنة بين وضعية المراة فالمغرب والدول الأخرى، ومرتبة المغرب عالميا على فوضعية المساواة بين المرا والرجل، ومدى تقاطع هذ الوضعية مع المؤشرات الدولية وخصوصا أهداف وغايات أجندة التنمية المستدامة – 2030.
وحسب بلاغ للوزارة، فهذ النشرة كتجي “في إطار مواكبة السياسات العمومية للنهوض بحقوق النساء وحمايتها، وقياس أثرها الفعلي على مسيرة المساواة بين النساء والرجال”.
