كود فرانسا ///

فمقال سابق هدرات “كود” علي بيانات كثيرة وتصريحات وخرجات اعلامية دارتها وزارة الخارجية والتعاون والحكومة لشرح بيان حول رحلات يجيو فيها مغاربة واجانب عايشين فالمغرب للمملكة. دابا اجيو نعاودو ليكم الواقع كيف عايشينو اللي باغيين يجيو. ففرانسا مثلا كاينين ثلاثة المطارات: واحد فباريس والثاني فليون والثالث فمارسليا. ايلى ساكن فستراسبورگ الرحلة للمغرب غادية تطلع عليك غالية بزاف. 

خاصك اولا تلقى بيي. هادي راها بوحدها قصة كبيرة دابا نرجعو ليها ف”كود”. لنفرض عندك كيفاش لقيتها. اش خاصك دير. تاخد التيجيفي ولا الطيارة حتى لباريس. تسكن فاوطيل. علاش صعيب بزاف بزاف فهاد اجواء كورونا فيروس دوز ساعات طوال فالمطارات. باش اصلا كتخرج من دارك وانت داير الكمامة. صعيب على شي حد يديرها كثر من 12 او 14 ساعة.

قبل ما تجي وتقاد التواريخ وووو خاصك تبدا رحلة اصعب ديال البحث عن جوجت التيستات. الاول سيرولوجي. هادا مطلوب يكون جديد. ولكن باش ديرو خاصك تمشي عند طبيب ويكتبو ليك وتمشي عند المختبر ويديرو ليك. فاوربا خاصك تاخد موعد ومن بعد تشوف الطبيب ومن بعد موعد اخر باش دير هاد التيست. يعني اللي محظـوظ وعندو معارف فمدينتو وعندو اللي ساعدو يقدر ياخد ليه اكثر من سيمانا. هاد الشي راه الطبيب بشي 30 اورو وهاد التيست ما بين 50 و70 اورو على حساب المختبرات وخاصك تسنى على حساب اش من مختبر حتى لاسبوع. 
بنادم اللي باغي يسافر يقدر حتى يدير هاد التيست عاد يبرمج رحلاتو فالحقيقة. دوزو هادا. المشكلة لكبيرة بزاف هو “بي سي ار”. هادا بيان الخارجية كيقول خاصو يكون عندو 48 ساعة. هاد الشي مستحيل بعدا ففرانسا وحتى فاسبانيا واكيد فدول اخرى اوربية. 

دوز هاديك تمارة ديال البحث والموعد ووووو وجي وقتو. راه خاصو هو اصلا 48 ساعة باش يخرج. لو ان بيان من بيانات الخارجية لكثار قالو باللي هاد التيست كيهدر على 48 ديال التسلم ديالو ماشي ديال اجراؤو كون الامور توضاح شوية.

اللي دار ضغط على اللي باغي يدخل لبلاد والي غادي يطلع عليه هاد الشي بغسيل الفندق هو ان العيد لكبير قريب. يعني خاص كثار يسافرو فاقل من 15 يوم. دارو ضغط على مغاربة كثار. اللي ما عندو فعيد هاداك هانية. هاد الشي بلا ما نهدرو على لمغاربة اللي حصلو فالخارج كثر من 4 اشهر دابا

ولكن هاد الحكومة ديال اللا كفاءة بدات من النهار الاول عوجا ما يمكن يكون تدبيرها لهاد الشي الا بهاد الطريقة. تفو الله يخليها سلعة