عفراء علوي محمدي- كود//
اعلن السونتر دابيل “ماجوريل” أنه غيتكلف بالرقم الأخضر “ألو يقظة” اللي دارتو وزارة الصحة للتعرف على الحالات المشكوك فإصابتها بفيروس “كورونا” المستجد، والإجابة عن أسئلتھم وإعطاء التوجیھات للحالات اللي ظھرات علیھا أعراض الفیروس.
عفراء علوي محمدي- كود//
اعلن السونتر دابيل “ماجوريل” أنه غيتكلف بالرقم الأخضر “ألو يقظة” اللي دارتو وزارة الصحة للتعرف على الحالات المشكوك فإصابتها بفيروس “كورونا” المستجد، والإجابة عن أسئلتھم وإعطاء التوجیھات للحالات اللي ظھرات علیھا أعراض الفیروس.
وقال مسؤول فريق فماجوريل فكازا، فتصريح صحفي، بللي غيجاوب السونتر على أسئلة المغاربة اللي كيتاصلو، ويسجل البيانات ديالو الشخصية، وتفاصيل الاعراض اللي كيحس بيها، باش يرسلها للوزارة منبعد، اللي هي غتكلف بيه.
وحسب بلاغ ليها، توصلات “كود” بنسخة منو، وضعات ماجوريل الخبرة ديالها فخدمة الدولة فابور، وعبئات كافة متعاونيها وبنياتها التحتية، فإطار مواجهة الوباء اللي دخل المغرب فحالة ديال الطوارئ الصحية، وتخفيف العبئ على وزارة الصحة.
وكشف البلاغ بللي هذشي غيدار من خلال معالجة مكالمات “ألو يقظة” بشكل فعّال وموثوق على الرقم 100 7474 080 ، وتخصيص منصة استماع تضم 100 مستشار، وتقديم خدمة متوفرة على مدار الساعة وطيلة الأسبوع بتغطية ل5 آلاف مكالمة يوميا.
في إطار ھذ المساعدة، خصصات ماجوريل أربع مواقع لخدمة “ألو يقظة”، بحیت “تتم معالجة أكثر من 5 آلاف مكالمة يومیا منذ 24 مارس من طرف ما يقارب مائة من مستشاري ماجوريل المتطوعین. وتوفر الخلیة خدمة واستماعاً متواصلیْن وفق أفضل المعايیر الدولیة على مدار الیوم طیلة الأسبوع”، حسب نفس البلاغ ديما.
وللإشارة، ف”ماجوريل” كتقوم بتصمیم وتقديم وإعادة صیاغة تجربة الزبناء لفائدة أشھر العلامات التجارية العالمیة، وكتوفر التواصل مع الزبناء ديالها بافضل المعايير، وكتقدم حلول رقمية من قبيل وسائل الإعلام على شبكات التواصل عبر الانترنت.