الرئيسية > آش واقع > غالبا حتى الحج غايتلغى.. وزير الحج السعودي: مخاصش الدول تسيني كونطرات الحج حتى نعرفو مصيرنا مع “كورونا”
01/04/2020 11:30 آش واقع

غالبا حتى الحج غايتلغى.. وزير الحج السعودي: مخاصش الدول تسيني كونطرات الحج حتى نعرفو مصيرنا مع “كورونا”

غالبا حتى الحج غايتلغى.. وزير الحج السعودي: مخاصش الدول تسيني كونطرات الحج حتى نعرفو مصيرنا مع “كورونا”

عفراء علوي محمدي- كود//

قال محمد صالح بن طاهر وزير الحج والعمرة السعودي، بللي المسلمين خاصهم يصبرو شوية قبل ما يتسجلو فالقرعة ديال الحج أو يسينيو كونطرات باش يمشيو للحج، حتى تتضح الرؤية بخصوص مصير العالم بسبب جايحة فيروس “كورونا” المستجد.

وزاد الوزير كيقول، فلقاء ليه مع القناة “الإخبارية”، لبارح الثلاثاء، بللي السعودية رجعات مبالغ التأشيرات ديال الناس اللي كانو عوالين يجيو يأديو العمرة هذ العام، وقدمات الرعاية ل1200 معتمر ماقدروش يرجعو لبلادهم من بعد تفشي “كورونا” وتعليق وتعليق السفر فالطيارة من طرف مجموعة كبيرة من الدول.

وكانت السعودية علنات على تعليق مناسك العمرة بسبب تفشي الفيروس فالعالم، حتى لإشعار آخر، ومنعات الدخول والخروج من مجموعة من المدن ومنها مكة والمدينة.

وكيأدو 2 مليون ونص مسلم الحج سنويا، اللي كيتعتبر مصدر رئيسي للدخل فالسعودية، لكن تفشي الفيروس دابا يقدر يكون سبب باش يتلغى فخطرة، وهذ القرار عمرو كان.

موضوعات أخرى

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو

19/03/2024 00:00

رابطة البوليساريو فالصبليون كضغط على وزارة الثقافة باش تحيد الاعتراف بمغربية الصحرا من الجريدة الرسمية ديال إسبانيا