كود كازا ///
أكد المدرب كارلوس غاريدو، ديال فريق الرجاء الرياضي، أنه تفرج هاد السيمانة في الفيديوات ديال مراكش باش اعرفهم كيفاش كيلبعو، خصوصا مني عرف أنهم الفريق المتصدر للدوري الاحترافي.
وقال غاريدو أنه اللاعبين ديالو رجعو للوراء في البداية ديال المباراة لأن الكوكب لعب بخطة ديال الهجوم، ولكن مني سجلوا الهدف اللاعبين ديالو خداو راحتهم لأن اللاعبين ديال الككب خرجو العبوا الكورة وقلبوا على التعادل، وهادشي خلى ميساحات كثيرة في نصف الميدان ديالهم.
وزاد غاريدو أن اللاعبين ديالو نجحوا في تسجيل أربع ديال الأهداف لأنهم ستافدوا من الفرص ديال التسجيل لجاتهم، ونجحوا فأنهم اهزموا الكوكب بحصة كبيرة.
واعترف غاريدو أنه مازال كيكتاشف الدوري الاحترافي وكيتعرف على طريقة اللعب ديال الفرق من خلال الفيداوت باش عرف أسلوب اللعب لغادي العب به معاهم، باش احقق نتائج إيجابية لأن الفريق مطالب بتحقيق نتائج إيجابية.