الرئيسية > تبركيك > عوض تزيد تجيب الناس من برا.. الكويت غادية تبدا تخدم “البدون” اللي عندها
25/05/2022 00:00 تبركيك

عوض تزيد تجيب الناس من برا.. الكويت غادية تبدا تخدم “البدون” اللي عندها

عوض تزيد تجيب الناس من برا.. الكويت غادية تبدا تخدم “البدون” اللي عندها

وكالات //

علنات الكويت أنها غادي تبدا تخدم الفئة اللي كتسنيها رسميا بال”مقيمين بطريقة غير قانونية” عوض أنها تجيب خدامة جداد من الخارج للقطاع الخاص.

المدير العام في الهيئة العامة للقوى العاملة في الكويت، علن على إطلاق منصة “تيسير” باش يتم فيها تعيين ما يسمونه رسميا ب”المقيمين بطريقة غير قانونية” واللي معروفين فعدد من دول الخليج وخاصة فالكويت بإسم “البدون”.

وكلمة “البدون” كتعني اللي “بدون جنسية”، واللي قضيتهم ماشي جديدة ومعقدة بزاف ، وكيطالبو من زمان بالاعتراف بهم كمواطنين كويتيين وتعطاهم بذلك كل حقوق المواطنة ولكن والو، وبقاو ديما مارجيناليزي. واحتجاجاتهم مؤخرا زادت وبداو كيخرجو بمطالبهم للشارع والفضاءات العامة أكثر من قبل.

“البدون” فالكويت وصل عددهم تقريبا ل90 ألف شخص، وماعندهمش الجنسية الكويتية، وقالت دولة الكويت أنها غادي تخدمهم باش تحافظ على التركيبة السكانية ديال البلاد عوض تزيد تجيب ناس من برا.

موضوعات أخرى

19/03/2024 00:00

رابطة البوليساريو فالصبليون كضغط على وزارة الثقافة باش تحيد الاعتراف بمغربية الصحرا من الجريدة الرسمية ديال إسبانيا 

18/03/2024 22:30

فرحات مهنا لسيدنا وللمغاربة: القبايل ممتنة للمغرب وللملك وكنطالبو بالدعم السياسي والدبلوماسي باش نوضعو حد للجزائر

18/03/2024 22:00

قضية التيك توكر “ايمان كوين” اللي خرجات كتقول غاتنتاحر وتقتل ولادها معها.. البوليس داير خدمتو وكيستامع ليها