وكالات //

حطم مبتكر فليپيني، كايحماق على طيارات الـ”درون” والطوموبيل اللي كاتطير، رقم قياسي جديد بصفتو أول شخص يحقق أطول طيران على متن لوح طائر (Hoverboard).

موقع “Good News Network” الميريكاني اللي نشر الخبار قال أن الفليپيني، كيكسز منديولا (Kyxz Mendiola)، (40 عام)، بدا رحلتو من لا پلاج بطيارتو الشخصية اللي سمّاها “كونسبتو ميلينيا” (Koncepto Milenya) ، وطار لمدة 7 دقائق و22 ثانية، وقطع ما مجموعو 2.89 كيلومتر.

هاد التجربة تدارت فسواحل إقليم “زامبالس” (Zambales) بالفليپين السيمانة اللي فاتت، فاش طار “كيكسز ” على ارتفاع 30 قدم فوق سطح الأرض.