نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري
وكالات //
قالت صحيفة “لاكروا” (La croix) الفرنسية أن رئيس الوزراء الهولندي كيجسد معنى الاعتدال فالمصاريف اللي كيطالب بيه الشعب، لأنه باقي كيسكن فالبرطمة ديالو اللي كان فيها قبل ما ياخد المنصب.
الصحيفة قالت أن مارك روت (Mark Rutte) كيخدم بتيلفيون نوكيا قديم، واللي كان مستعمل عند العموم قبل ما يبان السمارت فون بالطاكتيل، وماعندوش طوموبيل فالملكية ديالو، وكيتحرك ببيكالة اللي كيمشي بيها حتى للخدمة.
رئيس الوزراء مهني راسو، وبقا كيخدم بتيلفون عادي ما فيه حتى أوبسيون سبيسيال بحال ديال التسجيل، من غير ميموار صغيرة اللي تقدر تحافظ على ميساجات قلال، ولكن هادشي جبد عليه الصداع مؤخرا حيت كاين قانون حكومي كيفرض على المسؤولين يحافظو على واحد القدر معين من المحادثات الحكومية.
وجا فأونكيط دارتو جريدة “De Volkskrant” الهولندية على تدبير الحكومة لجايحة كورونا، بللي مارك روت عندو فتيليفونو غير شي 41 تيكستو اللي باقي مسجلة بخصوص تدبير هاد الأزمة مابين شهر يونيو 2020 ويونيو 2021، كيف ذكرات “La croix”.