الرئيسية > آش واقع > عندما يبكي الرجال ماشي ب”كورونا” ولكن بالحگرة بفقدان ادمتيهم. مصاب بالفيروس من مراكش: حتى الكاصرونا للي عطاوني نطير فيها الما ونبول فيها حيدوها وترجيت الاطباء يعطيوني وباش تزيرت درتها فصندوق قدامهم
29/03/2020 23:21 آش واقع

عندما يبكي الرجال ماشي ب”كورونا” ولكن بالحگرة بفقدان ادمتيهم. مصاب بالفيروس من مراكش: حتى الكاصرونا للي عطاوني نطير فيها الما ونبول فيها حيدوها وترجيت الاطباء يعطيوني وباش تزيرت درتها فصندوق قدامهم

عندما يبكي الرجال ماشي ب”كورونا” ولكن بالحگرة بفقدان ادمتيهم. مصاب بالفيروس من مراكش: حتى الكاصرونا للي عطاوني نطير فيها الما ونبول فيها حيدوها وترجيت الاطباء يعطيوني وباش تزيرت درتها فصندوق قدامهم

كود كريم الشركي///

أكبر خوف رجع عند المصابين بفايروس كورونا، وشريحة كبيرة من المغاربة، هو العلاج، واش كاين شي علاج، واش كاينة شي بنية تحتية؟، طبعا الفيديوهات المنشورة على الفايسبوك كتبين أن الوضعية كارثية بزاف.

آخر هذه الفيديوهات لي منوض ضجة كبيرة هو ديال أحد المصابين لي كيهضر على المعاناة ديالو، المشكل أنه قال فبداية الفيديو أنه كيعاني من مشاكل في القلب والكبد، وأنه عرف بلي غايتقاس بالكورونا، ولكن غايحاربها بكل قوة، واخا عندو امراض مزمنة، وهادشي خلاه قوي.

وفالوقت اللي هاد الامراض وفوقهوم كورونا ماخذاوش من عزيمتو بالعكس رجعوه قوي، جات السبيطارات المغربية ورجعاتو ضعيف بزاف وكيبكي وهو كيعاود المعاناة ديالو وفق شهادتو.

المصاب بالفيروس هضر مزيان على عدة أطباء، لكن المستشفى لي راه فيه دابا فمراكش ، وهو مستشفى محمد السادس قال فشهادتو باللي الوضع كارثي.

أقل جزء فالمعاناة ديالو كيف قالها فالفيديو٬ هو انو كيعطيوه كاصرونة لقضاء الحاجة وكأنه فسجن الكاتراز، وفوق هادشي كيعطيوه قرعة دالما من الروبيني يشرب منها ويغسل راسو بعد قضاء الحاجة منها ويدير كولشي منها.

قال باللي حتى الكاسرونة اللي عطاوها ليه يدير فيها طيار الما ويبول فيها حيدوها ليه وباش تزير وبقى يطلب فالاطباء وما بغاوش يديوها فيه دار كلشي فصندوق قدامهم وهو عريان. قالها وهو كيبكي بحرقة. بالحگرة بادميتو اللي مشات ليه

هاد الفيديو يكفي أنه يخلي وزير الصحة يقدم استقالتو، ويتفتح تحقيق فهاد الفضائح لي كاينة فالمستشفيات، راه الوضعية كارثية بحق، والناس مكيخافوش من كورونا بقدر خوفهم من السبيطارات المغربية.

هاد الفيديو كيشوه صورة الاطباء. كيعطي عليهم صورة سلبية. كان فيديو الفرنسية فاكادير وباش حتجات عاد داوها فيه. كان فيديو البارح من سطات شوهة كبيرة ما قدرش يمحيها هاداك الحوار المفتعل اللي داروه معاها. اليوم كمل البهية هاد الفيديو. شوهة عالمية.

Please share people must know how we are treated in hospital like animals

Publiée par I-mad Han-di sur Dimanche 29 mars 2020

موضوعات أخرى

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة

28/03/2024 14:22

تعيينات جديدة فمناصب عليا دازت اليوم فمجلس الحكومة: منهم مدير المحروقات ومدير الموارد البشرية فوزارة الخارجية

28/03/2024 14:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 13:30

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد

28/03/2024 12:45

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو

28/03/2024 12:20

جنايات فاس فرقات 33 عام ديال الحبس على ريزو د التهجير السري وها التهم اللي تابعوا بها