كود كازا ///

عمير بيريز وزير اسرائيلي سابق وابن ابي الجعد واللي ناض الصداع على مشاركتو اخيرا فندوة ديال البرلمان المتوسطي بمقر مجلس المستشارين بالمغرب٬ كيزور “بلادو كيف كيسميها” بصفة منتظمة. مصدر “كود” قال انه يزور المغرب يزور مدينته وهاد الشي ماشي رسمي بل شخصي. المصدر اوضح انه حضر لسهرة وتغنى فيها نداء الحسن فرددها من الاول الى الاخر عمير بيريز. المصدر قال ب”اللي حافظها بزاف” وباللي عزيزة عليه.

بيريز كان ناشط فزيارتو للمغرب واخا وقع هاد الشي. السيد كيتكلم الدارجة بحال عدد من يهود المغرب اللي هاجرو لاسرائيل.

وزير الدفاع الاسبق امو مغربية وباه مغربي وهو تزاد فالمغرب. طبعا كيعتابر الملك محمد السادس ملكو وما كيحشمش يقول هاد الشي