كود : أحمد الطيب//

قرر مدرب فريق الوداد الرياضي عموتة أنه امشي بجميع اللاعبين ديالو لمصر وميخلي حتى واحد من اللاعبين لمسجلين في اللائحة الإفريقية.

وطلب عموتة من العطوشي حتى هو باش امشي مع الفرقة ديالو لمصر باش اساند الاعبين، وخا مغاديش العب لأنه مطرود، في الماتش الأخير ديال الوداد مع اتحاد العاصمة، ولكن بغا اخليه حاضر في الأجواء وتابع المباراة ديال الذهاب، باش اتعرف على قوة الفريق الأهلي، لأنه غادي العب مباراة الإياب في المغرب، وخصو أكون عارف المسؤولية لعليه.

وغادي امشي 23 لاعب من الوداد لمصر باش اشاركوا في المباراة، باستثناء العطوشي، وغادي استفاد المدرب الودادي، من لعودة ديال بعض اللاعبين ديالو بحال نعيم أعراب، وأنس الأصبحي، وجمال آيت بن يدر.

والبعثة ديال الوداد غادي تسافر غدا إلى مصر، في طائرة خاصة، وغادي اكون معاهم وفد صحافي مغربي من منابر إعلامية مختلفة باش اغطيو المباراة، ووثقوا كل حدث اقدر اوقع، خصوصا أن المصريين معروف عليهم كيبغيوا ابرزظوا الخصوم ديالهم قبل المباريات