كود سبور//
الحسين عموتة، مدرب المنتخب المحلي، عيط لسعد أيت الخرصة، الظهير الأيسر الفتح الرباطي، باش يلتحق بالمنتخب المحلي ببركان، استعدادا لماتش ديال الجزائر نهار 19 فهاد الشهر بالملعب البلدي ببركان ضمن إياب الدور الحاسم من الإقصائيات الإفريقية المؤهلة إلى نهائيات كأس إفريقيا للأمم 2020.
عموتة اضطر يستدعي أيت الخرصة للمحليين كرد فعل على استدعاء البوسني وحيد خاليلوزيتش اللاعب كريم باعدي، لي عوال عليه عموتة بزاف.
عموتة خايف بتضرب ليه باعدي فماتش المنتخب الأول مع ليبيا نهار الجمعة جاية بالملعب الشرفي في وجدة، هادشي علاش عيط لأيت الخرصة.
وكشف مصدر مقرب، أن عموتة تبرزط مزيان من عيط خاليلوزيتش لكريم باعدي ووليد الكرتي، لحقاش خايفين يتقاسو مع المنتخب الأول وهو عوال عليهم بزاف.
المحليون لي عيط عليهم خاليلوزيتش غادي يلتحقوا مباشرة بالمنتخب المحلي ببركان مباشرة بعد ماتش ليبيا، ويتعلق الأمر بالحارس أنس الزنيتي وإسماعيل الحداد ووليد الكرتي وكريم باعدي.
المنتخب المحلي بدا الكونصونتراسيون ديالو في بركان البارح بعدما مشا ليها حتا هو في طيارة خاصة.
