النكَليز قررات تحبس واحد الراجل فالسبيطار.. متهم بحرق جوج ديال المصلين كانو خارجين من الجامع
كود//
مايكل هانيكي, المخرج السينمائي النمساوي واحد من اكبر مخرجي القارة العجوز اللي ربح جوج ديال المرات السَّعَفَة الذَّهَبية في مهرجان “كان”، قال في حوار داروا مع الصحيفة النمساوية “كوريير” أن حركة #MeToo اللي كتعني “حتى أنا“، واللي بانت على خلفية الفضيحة الجنسية ديال هارفي وينشتاين، باش تفرش بالمتحرشين والمعتادين الجنسيين فالوسط ديال السينما أو خارجه، هي نوع من أنواع الكره اتجاه الرجال، وهي ممارسة كتنتامي للقرون الوسطى.
واعتابر الاتهامات المتعلقة بأحداث وقعات هادي أكثر من عشرين ولا ثلاتين عام، مثيرة للاشمئزاز، و قال أنها مجرد تصريحات معندها علاقة بالاعتداء الجنسي.
وأضاف أنه كفنان، هو مخلوع من هاد الحملة اللي كتحارب الإيروتيكية بجميع أشكالها، وعطا مثال بالدراما الإيروتيكية ديال ناغيسا أوشيما لي خرجات في 1976، وقال أنها مستحيل تدار فوقتنا حيت مؤسسات التمويل مغاديش يبغيو يمولوها على ود هاد الرعب الناتج على هاد الحركة.
وأخيرا، أكد أن كل أشكال الاعتداء ضد العيالات و الرجال من الواجب إدانتها ورفضها ومعاقبتها، ولكن هادشي مكيعنيش أننا نقبلوا بهاد الاضطهاد.