تقرير رسمي: أسعار الصناعات الغذائية فبلادنا تراجعات وإنتاج وتوزيع الما والضو مستقر
أحمد الطيب – كود – الرباط //
قدم الاستقلالي لحسن حداد، الوزير السابق للسياحة، توضيحات لـ”كَود”، بخصوص اتهامه بأنه ما خلصت تريتور معروف فكازا ففلوس صحيحة، معتبرا أن هاد الكلام غير مؤسس والتريتور والعرس كان هادي اكثر من ثمان سنوات.
حداد ذكر في توضيح له، توصلات بيه “كَود”، قائلاً: “إذا فعلا كان كيسال شي حاجة ما عليه إلا يلجأ للقضاء ويجبد الحجج ديالو حينها الحقيقة غادي تبان”.
وكان هاد التريتور قد أكد لـ”كَود” أن لحسن حداد وزير السياحة السابق دار عرس لبنتو هادي سنين بـ65 مليون سنتيم وما خلصوش، غير أن لحسن حداد كيقول أن هادشي فيه مغالطات كثيرة وحقائق غائبة.
وبخصوص العرس، حداد قال بأن هاد المناسبة كانت هادي حوالي 8 سنين وماشي 3 سنين، متسائلا بالقول: “السؤال المطروح هو إيلا كان فعلا التريتور كيسال هاد لفلوس علاش ما طالبش بها منذ ذلك الوقت؟ وإذا فعلا عندو حجج صحيحة باللي كيتسال، علاش ما مشاش للقضاء ويجيب الحجج ديالو أو الشهود الموثوقين وتحكم ليه المحكمة؟”.
حداد قال “بأن معروف هاد الأمور ديال الحفلات والأعراس كتسوى فالحين، من كراء القاعة والوجبات وغيرها، وأنه مايمكنش هاد التريتور يسكت على هاد المبلغ كلو من داك الوقت. وأنا مستعد لمواجهته في القضاء، اللهم إلا إذا كانت عندو أهداف سياسية غير تجارية في محاربتي”، حسب تصريحه.