نجوى المالحي – كود//

شارك الممثل الكوميدي حسن الفد على حسابو في انستكَرام موقف تعرض ليه في الآونة الأخيرة، بعد لقاء مع مخرج عرض عليه دور في فيلم قصير.

وقال الفد: “عيط ليا مخرج نلعب فواحد الشريط قصير، قال ليا كيف كتعرف السيناريو فيه واحد القبلة ولكن الممثلة موافقة.. وداز لموضوع آخر. ما سولنيش واش أنا موافق.. مشيت ما رجعت بحال إلى أنا زعما شايطين عليا قنانفي.. كون غير سولني”.

التدوينة لي كتب حسن الفد لقات تفاعل من المتتبعين ديالو والزملاء ديالو في الضومين، لي علقو عليها بوجوه ضاحكة، وتبارطاجات بشكل واسع على مواقع التواصل الاجتماعي.

https://www.instagram.com/p/CLRcDoQpttS/