24/04/2024 02:00
15 ألف شخص ماتو فعام واحد.. تقرير صادم على واقع الصحة النفسية في بريطانيا
كود كازا //
ذكرات وزارة الصحة في مالي بأن مواطنة مالية حاملة ب 7 توام، غاتوصل للمغرب هاد الويكاند، باش تدير عملية الولادة فظروف مزيانة، بعدما دوزات جوج سيمانات ف صبيطار بالعاصمة باماكو.
وكانت الوزارة صرحات بللي “المرا الحامل عمرها 25 سنة، غادية للمغرب لضمان متابعة أفضل لهاد الحمل الاستثنائي، ولضمان صحتها وحياة التوام ديالها، خصوصا وأنها دابا فالشهر السادس من الحمل”.
ومن الناس اللي جايين معاها، كاين الطبيب ديالها و بعض أفراد من عائلتها، حيث أن الحكومة المالية تكلفت بمصاريف الرحلة، اللي كيتابعها الرئيس الانتقالي فدولة مالي، باه نداو، اللي ساهم بدوره في تأمين مصاريف رعاية ومعالجة هاد الشابة الحامل.
