الرئيسية > آراء > علاش ما يقطعش المغرب علاقاتو الديبلوماسية مع الامارات؟ دخلات فحياتو السياسية وفصحافتو وفثقافتو ودعمات سياسيين باش ما ينجحش البي جي دي 
08/09/2020 13:00 آراء

علاش ما يقطعش المغرب علاقاتو الديبلوماسية مع الامارات؟ دخلات فحياتو السياسية وفصحافتو وفثقافتو ودعمات سياسيين باش ما ينجحش البي جي دي 

علاش ما يقطعش المغرب علاقاتو الديبلوماسية مع الامارات؟ دخلات فحياتو السياسية وفصحافتو وفثقافتو ودعمات سياسيين باش ما ينجحش البي جي دي 

كود سعيد الشاوي كازا ////

هاد ليام جا عندنا حاكم دبي ال المكتوم. مع عائلتو جاي يدوز عطلة واكيد جاي يقاد العلاقات المغربية الاماراتية اللي ماشي مزيانة. قبلو تم تعيين سفير جديد فالمغرب والمغرب كان عين سفير جديد ليه فالامارات. هاد الدولة اللي عند المغرب علاقات تاريخية بها دخلات فينا بزاف فالسنوات الاخيرة. 

باش بدا هاد الربيع العربي خشات نيفها. ولات باغية تلعب دور فحياتنا السياسية. اسسات وكالة باش تشوه حزب العدالة والتنمية وما يربحش الانتخابات التشريعية ف2016 ودعمات حزب الاصالة والمعاصرة. كان الياس العماري امين عام الحزب فديك الساعة يقدم راسو فمواجهة الاسلاميين. ديك 6 المليون دلاورو اللي تعطات لمشاريع اعلامية ومطبعة اللي من المساهمين فيها نفس الامين العام =الياس العماري= وللي كلها فشلات مازال خاصها الضو. شكون خلص وفين مشاو لفلوس. 

محمد بن زايد الحاكم الفعلي للامارات ما وقفتش عند هاد الحد. شفناه دخل فالاعلام. تدخل كبير ما عمرو كان فتاريخ الصحافة فالمغرب. دخل فهادوك المشاريع اللي فشلات وجورنالات خرى. 
الامارات دازت حتى للثقافة وللفن وبغات تخربق. 

هاد الشي كافي باش المغرب يقطع علاقاتو الديبلوماسية. باش يقول للاماراتيين. عطيونا بالتيساع. وقبل شرحو لينا علاش دخلتو فينا. علاش درتو هاد الشي كولو. 

طبعا ما كايناش غير هاد الدولة. كاينة ديك قطر اللي لعبات خايب فالمغرب. سنوات من الحقارة مارساتها عندنا ووظفات كاع امكانياتها باش يكون عندها دور سياسي. وظفات شي اسلاميين وشي يساريين ولاو خدامين عند شيختهم بنانة.  هاد ليام دخلات حتى تركيا ادروگان فهاد اللعب. 
المغرب خاصو يقطع علاقاتو مع هاد الدول بثلاثة.

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي

28/03/2024 22:30

لشكر شتت تنسيق المعارضة.. زرب على بنعبد الله وبنكيران وأوزين وعلن رسميا باسم المعارضة على ملتمس الرقابة

28/03/2024 22:00

الأمير هشام العلوي عطا محاضرة فمعهد الدراسات السياسية فباريس على دور السياسة فالتقدم الاقتصادي فمنطقة الشرق الأوسط و دار مقارنة بين الانظمة ديال الخليج و ديال شمال افريقيا