الرئيسية > آش واقع > علاش لحريگ من المغرب لجرز الكناري رتافع بزاف؟ المافيات نقصو الثمن والطيران وقف وكورونا قصحات كلشي والمغرب خاصو 500 مليون اورو فالعام باش يواجه هاد الضغط
21/11/2020 11:30 آش واقع

علاش لحريگ من المغرب لجرز الكناري رتافع بزاف؟ المافيات نقصو الثمن والطيران وقف وكورونا قصحات كلشي والمغرب خاصو 500 مليون اورو فالعام باش يواجه هاد الضغط

علاش لحريگ من المغرب لجرز الكناري رتافع بزاف؟ المافيات نقصو الثمن والطيران وقف وكورونا قصحات كلشي والمغرب خاصو 500 مليون اورو فالعام باش يواجه هاد الضغط

كود علي الصافي العيون ///

البارح فلقاء وزيري الداخلية المغربي عبد الوافي لفتيت ونظيرو الصبليوني مارلاسكا كان مركز على الهجرة. كيفاش المافيات استغلو هاد الوضعية باش وصل لجزر الكناري لحد هاد الصباح اكثر من 18 الف حراگ.

وفق مصدر مطلع ل”كود” فان الهدرة ثارت على مافيات الهجرة غير الشرعية. هاد الهجرة فيها جانب انساني وجانب مافيوزي. من الامور اللي خلات هاد الرقم يطلع بزاف امور كثيرة. منها ان الوضعية الاقتصادية اللي ضربات دول افريقيا بسباب تبعات “كورونا” الاقتصادية الكارثية ثم كذلك قرار هاد المافيات ينقصو الثمن باش كيحرگو. هاد الشي خلى اقبال عليهم٬ زاىد نقطة اخرى مهمة هو ان اكبر عمليات لحريك ما كانتش كدار عبر الباطيرات بل عب المطارات. ما هاد الحركة ديال الطيران واقفة تقريبا من ابريل اللي فات٬ قلبو علي البدائل منها المحيط الاطلسي من السنيغال حتى شواطئ المغرب. تصورو كاين اللي كيضرب تقريبا 1400 كلمتر باش يوصل لجزر الكناري. هادا حال السينغاليين.

هاد الشي كولو خلى الضغط على كناريا. ولكن راه ماشي اول مرة كتوقع. راه هادي 14 عام حرگ لهاد الجزر اكثر من 30 الف شخص. المغرب دار خدمة كبيرة باش يتحكم فهاد الوضع. حتى دابا راه يالله شي 6 الاف مغربي اللي وصلو لكناريا من اصل هاد 18 الف.

الضغط لكبير على المغرب والدعم الاوربي قليل المغرب دابا مع هاد الهجرة من كناريا واقع عليه ضغط كبير. فالشمال وفجنوب الاطلسي. فالشمال مازال متحكم فهاد الهجرة مزيان. فهاد الوقت راه اللي حرگو من الجزائر لاسبانيا اكثر من اللي حرگو من المغرب. ولكن الامكانيات راها قليلة فالمغرب باش يواجه على جوج بحورا الحريگ: المتوسطي والاطلسي يشدد مصدر “كود”. الضغط فالشمال مازال وتزاد عليه ديال الاطلسي

اوربا كتعامل بحال ايلى المغرب مصدر لهاد الشي٬ المغرب راه كيعاني من الهجرة. كيطالب بحل دائم لهاد الظاهرة العالمية. فالمقابل اوربا كتعامل مع الموضوع وكأنو ظاهرة مؤقتة. هاد الشي كيبان فميزانتيها. طبعا اوربا ما عندهاش موقف موحد من الموضوع. الدول اللي ما كتعانيش بحال دول اوربا الوسطى والشمالية ما كيهمهمش الموضوع. دول بحال اليونان وايطاليا واسبانيا وفرانسا اللي فالواجهة كتاكل لعصا.

دابا المغرب خدا ف2019 يالله 140 مليون اورو وهاد العام نقصو ليه 40 مليون اورو يالله خدا ف2020 مائة مليون اورو. دابا كاينة مناقشة ميزانية الاتحاد الاوربي من 2021 حتى 2027. المغرب كيعول ان دولة رائدة بحال المغرب دبرات بامكانياتها الخاصة٬ الملف تدبير انساني وامني محتاجة ل500 مليون اورو فالعام باش يواجه هاد الشي.

موضوعات أخرى

29/03/2024 09:00

علاش الاتحاد الأوروبي كيلعب لعب خايب مع المغرب وكيشكك فالسلع الفلاحية ديالو؟

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه