كود سبور//

الاتحاد العربي لكرة القدم انتظر حتا يدوز الرجاء البيضاوي الماتش ديالو كونتر فيتا كلوب الكونگولي، برسم الجولة الثانية من مسابقة دوري أبطال افريقيا، باش ينزل عليه بعقوبات قاصحة.

الاتحاد العربي فرض غرامات مالية على الرجا بسباب شغب جماهيره في الديربي العربي في ثمن نهائي كأس محمد السادس للأندية الأبطال.

لجنة الانضباط والروح الرياضية غرمات الرجا بمبلغ 57 مليون سنتيم، منها 50 مليون بسبب عدم احترام جماهيره القوانين المنظمة للمسابقة العربية، بعدما دخلو مشجعون أرضية الميدان و5 ديال المليون بسبب استعمال الشهب الاصطناعية و2 مليون لأسباب تنظيمية.

زيادة على ذلك أن الرجاء خاصو يخلص 20 مليون تفرضات عليه من ماتش ديال الذهاب يعني أن الفريق خاصو يخلص 77 مليون سنتيم.