الرئيسية > تبركيك > عطاه المدالية الذهبية دوسام “التاج”.. ملك بلجيكا كرم مغربي ساكَ الطوبيس فبروكسيل 38 عام
04/03/2021 06:00 تبركيك

عطاه المدالية الذهبية دوسام “التاج”.. ملك بلجيكا كرم مغربي ساكَ الطوبيس فبروكسيل 38 عام

عطاه المدالية الذهبية دوسام “التاج”.. ملك بلجيكا كرم مغربي ساكَ الطوبيس فبروكسيل 38 عام

عن DHnet//

عطى الملك فليب، عاهل بلجيكا، المدالية الذهبية دوسام “التاج”، “Ordre de la Couronne” لمهاجر مغربي سميتو عبد العزيز هاجمهاند، مقيم فبروكسيل، وخدم شيفور دالطوبيس 38 عام، وهذشي تكريما للمجهود اللي دار فالكاريير ديالو الطويلة.

وخدا عبد العزيز، اللي كيعيطوليه غير عزيز، هذ الجائزة المشرفة بالسينياتير دوزير الخارجية البلجيكي، والوثيقة جاتو فبرية عن طريق البوسطة.

كريمة مرات عزيز، وولادو ديما، وسميرة، وياسين اللي خدام طبيب فليرجونس، تقاسمو معاه الفخر ديالو، والدهشة بالحصول على هذ الوسام.

وقال عزيز: “عمري ظنيت أن ملك هذ البلاد الزوينة يمنحني هذ التشريف كلو، أنا اللي تزاديت فطنجة، بفضل الخدمة اللي درت كشيفور دالطوبيس فزناقي بروكسيل”.

وأول مرة اكتشف فيها عزيز بروكسيل كانت فاش كانت فعمرو 9 سنين ف1970، وكانت فداك الوقت مغطية كلها بالثلج، وهذاك النهار اللي جاليه ليها مع أسرتو عند باه، اللي كان كيخدم تماك وكيجمع الفلوس باش يسكنهم معاه.

فسن21 عام، عزيز خدم لأول مرة فشركة Stib دالنقل الحضاري، وواخا كان عندو ديبلوم دالكهرباء الشركة كانو محتاجين لشيفور، وقالوليه أنه غيبقى شيفور مؤقتا، حتى خدم شيفور بشكل نهائي معاهم.

عزيز صاكَ فالطوبيس فحياتو كامل غيكون تقريبا 6 دالمرات دالدورة دالأرض كلها، وهز 2 مليون ونص ديال الركاب، ومادار غير 4 دالكسايد.

المقال حول عزيز الشيفور اللي عطاه الملك فيليب وسام هنا:

https://www.dhnet.be/regions/bruxelles/aziz-chauffeur-a-la-stib-decore-de-la-medaille-d-or-de-l-ordre-de-la-couronne-merci-au-roi-de-ce-si-beau-pays-pour-la-reconnaissance-603e97de7b50a62acf983d5d?fbclid=IwAR1qb1F4CGnJjvM97yXJz8nSTSVIFf85LOsy0n17f_UVJHvj48lxXKrPsTg

موضوعات أخرى

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو

19/03/2024 00:00

رابطة البوليساريو فالصبليون كضغط على وزارة الثقافة باش تحيد الاعتراف بمغربية الصحرا من الجريدة الرسمية ديال إسبانيا 

18/03/2024 22:30

فرحات مهنا لسيدنا وللمغاربة: القبايل ممتنة للمغرب وللملك وكنطالبو بالدعم السياسي والدبلوماسي باش نوضعو حد للجزائر