كود الرباط//

علمت “كود” من مصدر مطلع أن “عصابة” مكونة من قاصرين كيسرقو تلاميذ ديال مؤسسة “جسوس” التاريخية لي قريبة من مقر حزب العدالة والتنمية المركزي في حي الليمون.

ها العصابة فيها غير البراهش تعرضو لتلاميذ فشارع الغزالي نهار الجمعة لي فات، وهادشي لي خلا أولياءهم وابائهم يجيو للمدرسة ويستفسرو من غياب الأمن بالقرب من المؤسسة التعليمية.

وحسب ذات المصادر فإن إدارة المؤسسة تواصلت مع السلطات المحلية ومديرية الامن الوطني بالرباط باش يتدخلو ويشوفو الاجراءات باش يحميو المؤسسة من السرقة.

وحسب ذات المصادر فإن هاد البراهش كيعرفو هاد التلاميذ وكيشوفو بانهم كيدرسو فمدرسة خاصة، وبأن “الفوارق الاجتماعية هي لي خلاتهم يسرقوهم”.