كود كازا //
ليلة الثلاثاء / الاربعاء الفايتة، عصابة ديال الكرابة حاولوا استغلال ظروف الليل بمدينة اكادير باش يدوزو يفرقو الشراب والماحيا على الكليان ديالهم بأحياء المدينة. المغامرة ديالهم ما سلاتش على خير بعد تدخل المصالح الأمنية.
البوليس كانو خارجين باش يشدو واحد الروشيرشي وعلى مستوى القامرة وسط المدينة، ردو البال طوموبيل عافطة نوع ” كليو”. تبعوها والشيفور ما بغاش يوقف وزاد عفط. تدخل قسم الاتصال الولائي وعمم أوصاف الطوموبيل والهاربين بعد مدة قصيرة تشدو جوج فساحة السلام وتحجزات الطوموبيل والمواد المسكرة وآخرين هربو ودابا روشيرشي..
