كود – كازا ///
قالت مواقع إخبارية بمقاطعة ألميريا بإسبانيا، أن الشرطة الوطنية شدات، مؤخرا، 8 ديال الفلاحين المتعصبين بسباب تورطهم ف محاولة إحراق مستودع لتخزين الفاكهة والخضروات المستوردة من المغرب، ف شهر فبراير الفايت. المستودع كان ف الداخل ديالو وقت الحادثة تقريبا 25 عامل.
ورجحات تقارير إعلامية، علاقة هاذ الفلاحين المشدودين بحوادث اعتداء أخرى طالت الرموكات المغربية اللي كانت مشارجية خضرة من المغرب، خلال الاحتجاجات اللي نظماتها نقابات فلاحية إسبانية ف الجنوب واللي استهدفات بالخصوص المنتجات الفلاحية المغربية. وبلغ حجم الأضرار المادية اللي تسببو فيها المتورطين 26 ألف يورو.