واش هادشي غايأثر على شراكة اسبانيا والمغرب والبرتغال فمونديال 2030.. الحكومة فالصبليون دارت الوصاية على الاتحاد الإسباني بسبب الفساد وخايفين من خرق لقوانين الفيفا
عفراء علوي محمدي- كود//
كشفات اتصالات المغرب، فتقريرها النصف السنوي لهذ العام، اليوم الاثنين، أنها اتخذات قرارات سريعة فهذ الازمة ديال فيروس كورونا المستجد اللي فرضات على المغرب الدخول فحالة طوارئ صحية دامت أكثر من 4 شهور.
وعززات اتصالات النظافة فالوكالات ديالها، وحرصات على احترام مسافة الأمان فأماكن العمل، والترويج لادوات الرقمنة لتشجيع الزبناء على التفاعل مع الشركة عبر الأنترنت، وخصوصا فما يتعلق بالطلبات والأداء وتغيير الخدمة وتقديم العروض، مع مراقبة سلسلة تزويد المتاحر واحترام مواعيد إعادة التزويد والتخليص الجمركي.
وشاركات اتصالات، بالإضافة لهذشي، فمجموعة من حملات التضامن ضد مرض “كوفيد 19″، من خلال المساهمة في الصناديق اللي دارتها السلطات فكل بلد عندها وكالاتها فيه.
وكتشوف اتصالات، فالتقرير ديالها، أن آثار الوباء غيكون عندها تأثير سلبي على الاقتصاد المغربي، مع احتمال التأثير على دينامية النمو في أنشطتها.
واتصالات تأثرات بأزمة كورونا فما يخص قطاع الاستثمارات، بحيث انخفض استثمارها بنسبة 37,6 فالمية على مدار هذ العام.