24/04/2024 02:00
15 ألف شخص ماتو فعام واحد.. تقرير صادم على واقع الصحة النفسية في بريطانيا
نجوى المالحي –كود //
نشرت المغنية الشمالية عبير العابد، تصاور جداد على حسابها في انستكَرام في لابيسين، وقالت أنها لأول مرة غادي تعوم هاد العام.
وكتبت عبير العابد: “أول عومة فهاد الصيف الكوروني ..كيفاش حسيتوا أول عومة هاد العام؟”.
وبعض المتخلفين والمكبوتبن والمكلخين والدواعش انتقادوها حيت لبسات المايو وبقاو عليها بداك الكومونطير البالي الراشي ديال “ستري راسك”.
وقالت عبير العابد، في فيديوهات نشرتها عبر ستوريز على حسابها: “كتقولي كنتي محتشمة، أنا ماكنتعراشي عليكم فالفيديوهات ولا فالستوري، وزيدون وزيادة وصلنا لواحد المرحلة كنظن لي كل واحد خاصو يتعلم يديها فسوق راسو.. كيفما أنا كنحتارم حرية واحد آخر يلبس كيفما بغى، عطيو للناس التيساع خليو الناس يبقاو مرتاحين فدماغهم، بالنسبة للنساء كنهضر خصوصا مع العايلات، لانو حنا فالصراحة كنجبرو مشاكل مع النسا كثر من الدراري”.
وزادت: “أختي المحجبة ماشي كاميلين طبعا مع كل احترامي للجميع، أنا ماما عاملة السبنية وأنا شخصيا كنقولها حيدها، فا ما تبقاشي تجي تعملي كومونطير تقولي أنا محجبة وانا كذا وستري راسك، انتينا محجبة برافو برافو.. كلشي عقلو فراسو مابقيناش فزمن ديال نشر الدعوة، كلشي عقلو فراسو وعارف شنو كيصلاحلو، مدام ماكنقربش ليك لحريتك، ما كنآديكش، ماكنستفزكشي، عفاك عطيو التيساع شوية للناس، قولو كلمة خير قولو نصيحة خير، واخا أنا النصيحة ايلا ماطلبتهاش منك ماعندي ماندير بيها”.
