خبير صبليوني لجورنال “أ. ب. ث”: المغرب دولة ذات سيادة وقادرة تدير مناورات بحرية فين ما بغات من مياهها الإقليمية والوقت اللي يناسبها بلا إذن شي طرف خارجي
كود علي الصافي ////
التفاصيل الكاملة للإستقالة المصرح بها لوسائل الإعلام..
Publiée par Abderrahim bouaida – عبد الرحيم بوعيدة sur Vendredi 14 juin 2019
في فيديو جديد هاد اليوم الجمعة قال عبد الرحيم بوعيدة رئيس جهة كلميم “المستقيل” انو ماشي هو اللي قدم استقالتو. بوعيدة اوضح في فيديو نشره على صفحته على الفايسبوك انه ضد مخرجات التفاوض كلها. وكشف انه “:مثلي مثل باقي المواطنين صدمت بموضوع الاستقالة وعلمت به كما علم به جميع المغاربة. كنت في منزلي فمراكش بصدد تصحيح الامتحانات ونزل علي كالصاعقة وفوجئت فالوقت اللي كان اخراج البلاغ وضعت الاستقالة كنت في مراكش فكيف وضعت استقالتي فالرباط”
واكد ان هاد الاستقالة اللي خرجات البارح رسميا “ما عنديش علاقة بها لا من بعيد ولا من قريب”.
غير التناقض لكبير اللي وقع فيه استاذ جامعي هو انه اكد باللي كتب استقالة وعطاها لمباركة بوعيدة بنت عمو اللي غادية تاخد بلاصتو. وقال عبد الرحيم بوعيدة ان “استقالتي اعطيتها فاطار تفاوض وسلمتها لبنت عمي السيدة مباركة بوعيدة كي تتفاوض بيها مع الاطراف” ثم اضاف انه كان ضد التفاوض مع المعارضة وان تلك الاستقالة “مشروطة وعن طواعية وبحسن نية”. اذن هاد بوعيدة طلع غبي كبير وساذج كبير. كيفاش استقالة عن طريق حسن نية. انت درتي خطأ كبير باش كتبتيها واكبر باش سلمتيها.
بوعيدة اوضح انه سيلجأ الى القضاء وذكر بان حزبو ما وقفش معاه والداخلية حارباتو. يعني كان كيهدر وكيتناقض. وبان باللي اللي ضرو فخاطرو ماشي الاستقالة ولكن حتى حد ما حاشاها ليه. ما كبر بيه. بقى يعاود وهو اللي كيقدم راسو ديموقراطي حداثي “انا ولد عائلة” توضيف هاد المصطلح كيبين نوعيتو. يا سيدي ماشي المشكلة ديال ولد العائلة راها مشكلة منتخب. طلع النيفو. خرج من التقليدانية. من الفكر الرجعي المتخلف. كيفاش ولد عائلة.
دابا نتبعو فيلم “ولد العائلة” فين غادي يوصل