الرئيسية > آراء > عبث السدان. شكون يخلص ثمن هاد التخربيق؟ وزارة الصحة خلات لبلاد محلولة ف”دلطا” اللي كيقتل كثر وسداتها ف”اوميكرون” والنتيجة مدن عامرة كورونا
06/01/2022 09:00 آراء

عبث السدان. شكون يخلص ثمن هاد التخربيق؟ وزارة الصحة خلات لبلاد محلولة ف”دلطا” اللي كيقتل كثر وسداتها ف”اوميكرون” والنتيجة مدن عامرة كورونا

عبث السدان. شكون يخلص ثمن هاد التخربيق؟ وزارة الصحة خلات لبلاد محلولة ف”دلطا” اللي كيقتل كثر وسداتها ف”اوميكرون” والنتيجة مدن عامرة كورونا

كود هناء ابو علي ///

اللي افتى بقرار سدان المغرب هاد الشهرين وغاديين ل 3 اشهر خاصو يخلص تبعات قرارو. الاسبوع الاول كانت مفهومة. غير بداو نتائج الدراسات العلمية على “اوميكرون” هاد المتحور ديال “كورونا” كان خاص تراجع على القرار. والو حتى تراجع ما كان. دولة كلها خلات وليداتها على برا. دخلو شي 7 الاف من تركيا والامارات والبرتغال والباقي مخلينو حاصل تالف دايخ فبلادات الناس. 

وباش نسدو بلاد وتبعو مقترحات وزير الصحة ونوصلو لهاد النتيجة راه هادا عبث ما فوقو عبث. كيفاش تسد بلاد على فيروس وبعد اسابيع تقول لقيت حالة. هاد الحالة اليوم ولات آلاف الحالات. عشرات الالاف كاع. طالما ان نسبة البوزيتيڤيتي كطير نهار بعد نهار. 

هاد السدان عبثي وخاص شي كبش فداء. خاص شي حد يخلص اش دار. باش كانت ديلطا” فقوتها فالصيف٬ المغرب خلى حدودو مفتوحين. دارت الحركة. كان الرواج وكانت نسبة ملء اقسام الانعاش بناس كورونا وصلات ل52 بالمائة. 

دابا هادا اوميكرون ما خطير خطورة دلطا ومع دلك سدو لبلاد. غلقو الحدود. شردو لمغاربة فبلادات الناس. 

اليوم فمدن بحال كازا راه اوميكرون كثير بزاف بزاف. ما عندناش احصائيات دقيقة حقاش ما كنديروش بزاف ليتيست. 

هاد النقاش خاصو يكون فالبرلمان. خاص المعارضة اللي تجبدو. معارضة ساكتة عاجبها الحال. ما كتحلش فمها. 

موضوعات أخرى

29/03/2024 14:46

شرع اليد فدولة مزال خدامة بقانون ليوطي “الرجعي”.. اعتداء على “مفطر رمضان” مقطوع رجع النقاش للتخلف القانوني فبلادنا

29/03/2024 14:30

ها المعقول..استثمار صيني كبير فالمغرب بـ3 مليار درهم لانتاج بطاريات السيارات الكهربائية غايوفر 2500 منصب شغل وبلادنا هربات على لالجيري فصناعة السيارات

29/03/2024 14:00

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 13:45

تفاصيل حصرية على وضع منسقة جهوية لحزب سياسي بجهة فاس مكناس فالحراسة النظرية: خدات من الضحايا فلوس صحيحة وصلات 18 مليون والمدير الجهوي ديال الضرائب هو اللي فضحها

29/03/2024 13:30

الجيش الإسباني غاد يوسع المنشأت العسكرية ف سبتة ومليلية وغيجهز مراكز خاصة للتدريبات والمناورات لسلاح المدرعات

29/03/2024 13:20

تفاصيل اعتداء فرنساوي من أصول جزائية على مغربي فطنجة: مول الفعلة تقدم مع مرا فرنسية للنيابة العامة

29/03/2024 13:00

علاش الاتحاد الأوروبي كيلعب لعب خايب مع المغرب وكيشكك فالسلع الفلاحية ديالو؟