الرئيسية > آش واقع > عامين من الجفاف وكورونا.. الاقتصاد المغربي جاتو السكتة القلبية وبنشعبون: منقدروش نرجعو النيفو ديال 2019
28/09/2020 11:30 آش واقع

عامين من الجفاف وكورونا.. الاقتصاد المغربي جاتو السكتة القلبية وبنشعبون: منقدروش نرجعو النيفو ديال 2019

عامين من الجفاف وكورونا.. الاقتصاد المغربي جاتو السكتة القلبية وبنشعبون: منقدروش نرجعو النيفو ديال 2019

هشام أعناجي – كود الرباط//

الاقتصاد المغربي كلا دقة خايبا بزاف بسبب كورونا لي غادي اكون عندها توابع ف2020. الاقتصاد محتمل يتراجع ب 5,8 هاد العام وغادي يحقق نمو ديال 4,8 العام الجاي.

وحسب ما قاله وزير الاقتصاد والمالية محمد بنشعبون هادشي ماكافيش باش الاقتصاد ارجع لمستوى 2019.

وأوضح بنشعبون :”باش نرجعو لمستوى 2019 خاص على الاقل نمو ديال اكثر من 6 بالمائة “.

والبنك الدولي ديما كايقول للمغرب قبل كورونا انه خاصو على الاقل 7 بالمائة سنويا باش اوفر الخدمة لعباد الله.

وذكر بنشعبون ان مداخيل ديال الدولة من الضرائب غادي تناقص العام الجاي ب 25 مليار درهم لأن الشركات تضررات بزاف من كورونا.

وتكلم الوزير فالبرلمان على ارتفاع النفقات وذكر ان كتلة الاجور بما فيها الترقيات ونتائج الحوار الاجتماعي غادي تكلف الدولة 8 مليار درهم اضافية. بينما ستكلف الانتخابات 1,5 مليار درهم وصندوق المقاصة 2 مليار درهم.

في المجموع المصاريف الاضافية غادي توصل ل 33 مليار درهم! ايوا فين غادي اضبر عليها المغرب؟ كريدي تاني ولا تقشف. وفق خبراء تحدثت إليهم “كود”.

الصحة والتعليم غادي اتزادهم 5 د لمليار لواحد فالميزانية ولارام غادي اعطيوها هاد العام 700 مليون درهم واكثر من 1.5 مليار درهم العام الجاي.

بنشعبون ذكر بالسياق لي كيحكم ها المعطيات الاقتصادية، بحيث أن جاء بعد عامين من الجفاف وعام ديال كورونا.

هاد الوضعية وصفوها برلمانيون بـ”السكتبة القلبية”.

موضوعات أخرى

28/03/2024 17:38

تهديدات داعشية بالقتل لناشطات فالحريات الفردية. نادر ل”كود”: وجود لائحة كيبين باللي كاين رصد وتتبع وهاد الشي ما كيخلعنيش

28/03/2024 17:30

فيومين.. شكايات جداد بـ”الفساد المالي” طاحوا عند الوكيل العام ففاس.. ومصدر لـ”كود”: وحدا فيها مشات للبحث والباقي قيد الدراسة

28/03/2024 17:00

واش هيرفي رونار كيضغط على الركراكي باش ياخد بلاصتو؟ الفرنسي جاهم من اللخر: باغي نلعب مونديال 2026

28/03/2024 16:30

خبير صبليوني لجورنال “أ. ب. ث”: المغرب دولة ذات سيادة وقادرة تدير مناورات بحرية فين ما بغات من مياهها الإقليمية والوقت اللي يناسبها بلا إذن شي طرف خارجي

28/03/2024 16:20

رقم معاملات “لوسيبي” وصل لـ91,27 مليار درهم فعام 2023 وخا كان انخفاض كبير فأسعار المنتجات الفوسفاطية

28/03/2024 15:30

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 15:20

الريح قوية مع الغبارية .. وزارة التجهيز: الشيافر فهاد المدن يردو بالهوم مزيان فالطريق