وكالات //
طالب ميريكاني باش تعطيه شوافة تعويض مالي كبير بعدما فشلات تبعد عليه المشاكل العاطفية اللي تابعاه.
الراجل تعرف على الشوافة، اللي سميتها “صوفيا أدامز”، على الإنترنت و من الكلاخ ديالو تيق خزعبلاتها وعطاها الفلوس باش تعاونو يخرج من الأزمة اللي كيعيشها مع مراتو.
الكانبو نصبات عليه وعطاها 5100 دولار باش تصوب ليه حجاب و وهماتو أنه غادي يعاونو في حياتو العاطفية وكلشي غادي يرجع بيخير.
الراجل فاق روطار من بعد التقوليبة ودابا حط دعوى في محاكم لوس أنجلوس وغادي يتابعها بالنصب والاحتيال.
