كود سبور//

طلب الدولي المغربي السابق والمدرب الحالي ديال أمل ايندهوفن الهولندي عادل رمزي من الجامعة الملكية المغربية لكرة القدم، أنه يبقى خدام مع الفريق الهولندي فحالة تم التعيين ديالو فالطاقم الجديد ديال المنتخب الوطني المغربي ويجمع بين المنصبين.

وقال الدولي المغربي السابق عادل رمزي فتصريح للشبكة الهولندية “ESPN” أن الجامعة الملكية المغربية لكرة القدم باغاه يكون مدرب مساعد للناخب المقبل، وهذا شرف بالنسبة ليه حيث المغرب بلادو ويشرفو يخدم بالمنتخب ديال، ولكن راه خدام فريق ايندهوفن لمدة ديال 8 السنوات.

عادل رمزي قال أيضا أن الحلم ديالو يشارك مع ليكيب ناسيونال فالمونديال وأن بالإمكان ديالو يجمع ما بين الخدمة فالمنتخب المغربي والخدمة ففريق ايندهوفن فوقت واحد، وهادشي قالو للجامعة والكرة دابا فالملعب ديالها، وأن الفريق الهولندي موافق.