عمـر المزيـن – كود//
قال بيان للمديرية العامة للامن الوطني ان بوليس بجعد خدم هاد العشية الخميس 9 ابريل 2020 القرطاس باش يشدو داعشي. البيان قال باللي اليوليس طلق 3 القرطاسات ضد هادا اللي بغى يقتل بوليسي وخازج خارق حالة الطوارئ.
البيان قال باللي كانت دورية امنية من جوج بوليس كدور فهاد المدينة لقاو واحد على بيكالى وداير ماسك ما كيبينش وجهو وباش بغاو يعرفو شكون وطلبو لاكارط ديالو جبد حديدة وضرب البوليسي للراس والكتف والعنق.
هاد المتخلف ضرب وهرب لدارو وحلف لا هبط وبدا كيهدد البوليس بسيف كبير وهاد الشي خلى البوليس يجبد الفردي ويطلق القرطاس. ضربوه للرجل عاد قدرو يتحكمو فيه
البوليسي المضروب راه فالصبيطار مضروب ضربات خايبة وتفتح تحقيق فهاد القضية