الرئيسية > آش واقع > عاجل. وا هيا لمغاربة اللي كيقلبو علي التيكي. اجتماع امني بين لمغاربة والفيفا على تذاكر الربع ضد البرتغال. الاجتماع حضرو بودريقة وفهاد الليلة غادية تحط فموقع الفيفا 12 الف واللي بغى يشري يبقى سامر ونساو الفابور دابا
07/12/2022 18:42 آش واقع

عاجل. وا هيا لمغاربة اللي كيقلبو علي التيكي. اجتماع امني بين لمغاربة والفيفا على تذاكر الربع ضد البرتغال. الاجتماع حضرو بودريقة وفهاد الليلة غادية تحط فموقع الفيفا 12 الف واللي بغى يشري يبقى سامر ونساو الفابور دابا

عاجل. وا هيا لمغاربة اللي كيقلبو علي التيكي. اجتماع امني بين لمغاربة والفيفا على تذاكر الربع ضد البرتغال. الاجتماع حضرو بودريقة وفهاد الليلة غادية تحط فموقع الفيفا 12 الف واللي بغى يشري يبقى سامر ونساو الفابور دابا

كود الدوحة ///

علمت “كود” ان اجتماع وقع هاد العشية 7 دجنبر 2022 فقطر بين الجامعة الملكية المغربية لكرة القدم وحضر باسمها محمد بورديقة عضو المكتب الجامعي وبين الفيفا وبين السلطات الامنية القطرية. هاد الاجتماع وفق ما علمته “كود” دار على التيكي وهدرو على الفوضى اللي كانت وقعات فالثمن بيننا وبين الصبليون باش بدات توزع فابور.

وفق مصدر “كود” فهاد الليلة غادية تحط فموقع الفيفا 12 الف تذكرة. طبعا مخصصة لجمهوري المغرب والبرتغال وحسب قوانين الفيفا فغادي يكون التوزيع 50 فالمائة اي تخصص للمغاربة 6 الاف. ولكن ايلى ما تباعتش هاديك 6 الاف ديال البرتغال يمكن يشريوها لمغاربة
هاد الشي دار باش ما يبقاش التوزيع فابور. السلطات القطرية طلع ليها الدم من تصرفات شي وحدين خاصة واحد المؤثر اللي دار فيديو وقال باللي خدا تيكي وهجمات على ديك لبلاصة شي 3 الاف مغربي وكانت السلطات القطرية قررات تجري عليه بسباب هاد التصرف. تدخلات ناس فالجامعة هي اللي نقداتو من الطرد ولكن ما يبقاش يعاودها.

الثمن هاد الليلة ما غاديش يكون زايد فيه حسب مصدر “كود” ويمكن للمغاربة دابا يدخلو يشريوها باش تحط. المصدر قال ل”كود” باللي خاص لمغاربة ينساو الفابور وباللي ما خاص حتى شي حد من الجمهور يقرب للتيران بلا تذاكر. هاد المرة وفق مصادر “كود” غادية تكون مراقبة كبيرة عن بعد باش ما تجمعوش عليهم كيف وقع البارح 6 دجنبر 2022 فملعب المدينة التعليمية فالدوحة

ما كاينش لحد الان الفابوراجتماع امني قطر والفيفاالتيكي غاديين يخرجو الليل او الصباح فموقع الفيفا باش يشريوهم باقية 12 تذكرة الاجتماع هو هادا اتفقنا معاهمما عطاوناش الموافقة باش نوزعوالاشاعة باش يدحلو فابور ما كايناشالاجتماعالفين مخليناها للناس اللي غاديين الفوضى نهار الماتش الثمن هو اللي كان فالدور الاول

موضوعات أخرى

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو

28/03/2024 02:00

مصور عندو 71 عام اتاهم الوالد ديال تايلور سويفت أنه تعدا عليه بالضرب ملي كان كيصورها