كود عبد الواحد ماهر ///
محرقة درب الفقرا هاد الصباح اللي مشى فيها 8 من نفس العائلة بدات كتبان اسبابها. وفق مصادر ل”كود” فالسبب هو شمعة صغيرة شعلها الاب اسمو احمد وهو متقاعد.
احمد فاق باش يصلي لفجر. باش ما يفيقش عائلتو٬ تقول مصادر “كود”٬ كيفضل الشمعة على الضو باش يتوضى ويصلي. غير هاد الصباح الشمعة كلات الدار كلها. قتلاتو وقتلا 7 من افراد عائلتو.
وفق مصادر “كود” فلائحة الضحايا فيهم 3 اناث و5 ذكور ومنهم جوجت الاطفال تيسير 6 سنين وامير 9 سنين.
ها اللائحة كاملة :
الهاشمية 58 سنة /حسنية 36 سنة/اينها تيسير 6 سنوات/ أمير 9 سنوات / ميلود 50 سنة /سي محمد 48 سنة/ عزيز 36سنة/أحمد متقاعد