كود كلميم ///

تأكد رسميا وفاة اول ضحية من الضحايا 11 اللي ضربهم احد لملايرية فكلميم هاد الليلة. مصدر “كود” قال ان الضحية راجل بينها حالة سيدة مازالت خطيرة.

ووفق مصدر “كود” فان هاد الشخص كان دايز على موطورو فحي لكويرة فكلميم على موطورو. من الخلعة يشرح مصدر “كود” طاح وجا ضربو هاد الشخص اللي باين عقلو فشي شكل.

المصدر قال ل”كود” ان هاد السيد مرفح وباللي عندو رخصة باش تكون عندو مكحلة الصيد اللي خرج بيها للشارع وبدا يضرب فعباد الله.

هاد السيد شدو البوليس حي ودابا كيحققو معاه بناء على تعليمات النيابة العامة.

ومخافة استغلال شي حزب لهاد الحادث ناض والي كلميم واد نون وتحرك للصبيطار ووقف على كلشي. .