كود كازا ////
وفق استطلاعات بعيد الانتهاء الانتخابات الاوربية اللي دارت اليوم وفي فرنسا وقعات مفاجأة كبيرة. الحزب الاول ولى هو اليمين المتطرف “الجبهة الوطنية” ديال مارين لوبين اللي دخل بلائحة “التجمع الوطني”٬ اذ حصلت هذه اللائحة على 23.2 بالمائة تقدمت علي حزب الرئيس ايمانويل ماكرون “الى الامام” اللي جا الثاني ب21.9 بالمائة عاد الى الخضر اللي حتى هما فاجئوا كلشي وجابو 12.8 بالمائة
وفي اسبانيا وقع العكس٬ اذ حصل اليسار الحاكم الحزب الاشتراكي على 28.9 بالمائة من الاصوات يليه الحزب الشعبي وفق استطلاعات بهذه الدولة سيحصل علي 17.9 بالمائة يليه “سيودودانوس” بنفس اقل بقليل. اليمين المتطرف ممثلا في “بوكس” غادي يدخل للبرلمان الاوبي ولكن غير ب4 مقاعد.
من الدول اللي حيح فيهم اليمين المتطرف وفق التوقعات لان النتائج مازال ماشي رسمية هي ايطاليا. اذ يتوقع ان يحصل حزب “لاليكا” اليميني المتطرف اللي كيشرف عليه سالفيني وزير الداخلية الحالي على 30 بالمائة.
في المانيا واخا كلات الاحزاب التقليدية لعصا فان اليمين المتطرف لن يحصل الا على 10 بالمائة٬ اقل بكثير من التوقعات. وفق هاد الاستطلاعات فان حرب ميركل “الحزب الديموقراطي الاجتماعي” غادي يحصل على اكثر من 22 بالمائة والمفاجأة ان الخضر ولاو القوة الثانية.
للتذكير فان نسبة المشاركة فالانتخابات الاوربية ارتفعت في دول كثيرة. اذ وصلت الى 51.3 بالمائة وصوت الاوربيون لاختيار 751 برلماني. هاد الشي موزع على الدول ولكن ماشي بالتساوي. الدول اللي عندو بزافت المقاعد هي المانيا وفرنسا وايطاليا واسبانيا وبريطانيا حقاش مازال ما خرجاتش رسميا من الاتحاد الاوربي
