سامي العلوي -گود كازا //
مزالا الروينة فقضاء كازا من بعد اعتقال نائب وكيل الملك بالمحكمة الابتدائية الزجرية بعين السبع ومجموعة من الاشخاص على خلفية الريزو ديال التسمسير .
في هذا السياق كشفات مصادر “گود” ،ان احدى غرفة الجنايات بمحكمة النقض نظرت في الملف ديالو بعد توصلها بضوصي من رئيس السلطة القضائية ، وبعد دراسته قررت احالة المستشار على الرئيس الاول لمحكمة الاستئناف بالرباط. هذا الاخير عين قاضي التحقيق لاستنطاقه ، وبعد استنطاقه ابتداءا من طرف قاضي التحقيق بجنايات الرباط قرر ايداع المستشار بمحكمة الاستئناف بالبيضاء واللي كيرأس غرفة الجنحي التلبسي بالمحكمة ذاتها، فالحبس.
واضافت المصادر نفسها ،ان هاد رئيس غرفة بمحكمة الاستئناف بكازا كان موضوع المسطرة اللي بموجبها اعتقل محامي ، وذلك في اطار الفصل 266 من قانون المسطرة الجنائية، بتهمة الارتشاء.
هاد الشي مجاش غير بسبب الاوديو المسرب، حيت هذاك الاوديو كان غير النقطة لي فيضات الكاس كيف كيقولو، وعلى حساب ما قالت مصادر “گود” الملف كيتخدم فتحقيقات من 2021 بعد تفريغ محتوى مكالمات هاتفية كتورط هاد الناس.
