25/04/2024 23:14
عطا أخنوش إشارات على أن تعديل حكومي يقدر يكون فالمستقبل القريب: ملي تكون أحزاب الأغلبية مستعدة غنجلسو ونتافقو
كريم الصوفي – كود//
قالت تقارير اخبارية، أن عائلة المغربي اللي تقتل بالقرطاس ف تكساس كتطالب باعتقال الجاني (أبيض البشرة) اللي برر الجريمة ديالو ب الدفاع عن النفس، كما طلبت الاسرة المزيد من المعلومات حول هاذ الموضوع
وأكد شقيق الضحية اللي خريج جامعة جونسون آند ويلز في رود آيلاند ف نيويورك، أن عادل انسان داخل سوق راسو ولم يؤذي أحداً وكان سايگ طوموبيلتو راجع للدار ديالو في أوستن قبل ما يتقلى قرطاسة قاتلة.
وعلق المدير التنفيذي لمجلس العلاقات الأمريكية الإسلامية (كير) ب بيان، قال فيه أن الدغوغي كان ضحية ما يسمى بقوانين “الدفاع عن أراضيك” المعمول به كثيرا ف ولاية تكساس. ودعا إلى تحقيق مستقل وشفاف في مقتل الضحية المغربي اللي كان أعزل وقت تنفيذ الجريمة.
وعلى حساب صحيفة ديلي بيست، علقت الشرطة بأن الجاني تيرنر كان متعاونًا ولم يتم اعتقاله ، على الرغم من صدور أمر تفتيش. وتم تصنيفه كمشتبه به في جريمة قتل .
الضحية المغربي سميتو عادل الدغوغي مقيم ف مريكان من 2013 خدام موزع طعام ونهار الحادثة وقف بالطوموبيل ديالو حدا دار المتهم اللي جا عندو وشبع فيه سبان ويطلق الرصاص عليه بعد شكوكه في كونه مسلحا.
