نجوى المالحي-كود//

خرجات المغنية سلوى أنلوف لي كانت شارمات في برنامج “x factor أكس فاكتر”، باش تكذب الأخبار لي تنشرت عليها في كَروب ديال البنات، ولي كتقول أنها كانت خدامة في مركز نداء في كازا، وكانت كتعامل مع الناس لي جايين يخدمو بطريقة خايبة.

سلوى وصلاتها تعليقات على تصاورها في مجموعة خاصة، وخرجات تقول للناس أنها عمرها خدمات في سونطر دابيل، بل گاع خدمتها كانت كمدرسة للغة الإنجليزية في أكادير قبل ما تتحول لكازا وتشهر وتولي بلوكَوز.

سلوى انلوف معروفة في وسائل التواصل الاجتماعي، وخصوصا في أنستكَرام، عايشة الحياة وبعيدة على الصداع والمشاكل، وحتى صفحتها كتشارك فيها غير الجمال والحب والألوان، وهادي كانت أول مرة غادي تهدر فيها على شي مشكل شخصي.